ABO TURI BO

Lucor ni umucyo ugaragarira mu byo dukora.

Gukorana na Lucor ni ukwambara ikimenyetso cy’ubunyangamugayo, icyubahiro n’ubudashyikirwa. Buri mukiliya, buri muyobozi na buri mukozi uhitamo Lucor aba yinjiye mu murage w’ubunyangamugayo, gukunda umurimo no kuwunoza, no kwitangira abandi — amahame yubaka ibigo, ateza imbere abaturage kandi akomeza kugira agaciro uko ibisekuruza bisimburana.

Mu guhitamo kuba uzana umucyo (bringer of light), ibikorwa byawe ntibigaragaza umurimo ukora gusa; bigaragaza imico yawe, ikinyabupfura cyawe n’ubwitange ufite mu guhitamo buri gihe gukora ibikwiriye.

Amavo n’amavuko y’izina

Lucor Ltd ni sosiyete itanga kinyamwuga serivisi z’isuku n’isukura, imicungire y’ahakorerwa imirimo n’izindi serivisi z’ubufasha, igamije gufasha ibigo gukorera ahantu hasukuye, hatekanye kandi hafite icyubahiro gikwiye ababikoreramo n’abahaherwa serivisi zitandukanye.

Dutanga serivisi zihariye zirimo isuku n’isukura y’ahakorerwa imirimo, kwita ku busitani n’imiterere y’ahazengurutse inyubako, gutanga abakozi b’igihe gito, ndetse n’izindi serivisi z’ubuyobozi n’ubufasha.

Izina Lucor rikomoka ku ijambo ry’Ikilatini “lucere,” risobanura “kurabagirana” cyangwa “kuzana umucyo.” Iri zina rishushanya umucyo, ubunyangamugayo n’ubushobozi bw’isuku bwo guhindura imiterere y’ahantu n’imibereho y’abahakorera ndetse n'abahagana — indangagaciro zigena uko dukora kandi zigatuma duhora duharanira guhora turi indashyikirwa.

Intego yacu ni ugufasha ibigo kudatakaza umwanya n’imbaraga ku micungire y’isuku, kugira ngo abayobozi bibande ku nshingano zabo z’ingenzi, mu gihe twe twita ku isuku ihoraho yubakiye ku mahame, gahunda ihamye n’ubunyangamugayo, kandi igakorwa hakurikijwe ibipimo byagenwe.

Dushingiye ku ntero yacu igira iti:

“Munditia in Omnibus — Umucyo muri byose”

Twemera ko isuku nyakuri atari ikintu umuntu abona n’amaso gusa. Ni umuco, ni ihame tugenderaho, kandi ni inshingano.

Icyerekezo cyacu

Kuba umufatanyabikorwa wizewe kurusha abandi mu Rwanda mu gutanga serivisi z’umwuga z’isuku n’isukura n’iz’ubufasha mu micungire y’ahakorerwa imirimo, dushyiraho ibipimo ngenderwaho ku rwego rw’igihugu mu isuku, disipulini n’imikorere inoze, kandi tugatanga umusanzu mu kubaka imiryango ifite ubuzima bwiza, gahunda n’isuku.

Ubutumwa bwacu (Mission)

Gutanga serivisi z’isuku n’isukura zizewe, zidahenze kandi zicungwa kinyamwuga, zigamije kurinda ubuzima, kunoza imikorere y’ibigo, guhanga imirimo itanga icyubahiro n’agaciro ku bakozi, no guteza imbere ubunyamwuga mu rwego rwa serivisi z’isuku y’ahakorerwa imirimo itandukanye mu Rwanda.

Indangagaciro zacu z’ingenzi

Ubunyangamugayo
Twubahiriza ibyo twiyemeje, tugakorera mu mucyo, kandi ntitwigera twigomwa amahame y’akazi kugira ngo tubone inyungu y'ibintu (amafaranga).

Ubunyamwuga
Dukorana ikinyabupfura, dukurikiza gahunda ihamye n’imikorere inoze, dushyira imbere abakozi batojwe neza, kandi twubaha imiterere n’inshingano by’ibigo dukorana na byo.

Ubudashyikirwa
Duhora duharanira kubahiriza ku rwego rwo hejuru amahame yo gukumira no kurwanya ubwandu bw'indwara zandura (IPC), ubuzima n'umutekano mu kazi (OSH), ndetse no gukumira, gutahura, kurwanya no guhashya ibyago bishobora kwirindwa (risk prevention, identification, control and management) gutanga serivisi zinoze, no gukomeza kunoza imikorere yacu.

Kubazwa inshingano
Dukoresha kandi tukabungabunga ibikoresho n’umutungo mu buryo buboneye kandi bwita ku nshingano, kandi tukubaha icyizere duhabwa n’ibigo, abafatanyabikorwa n’abaturage.

Kubaha no guha agaciro umuntu
Abakozi bose, abafatanyabikorwa n’abaturage tubafata mu buryo buboneye, tububaha, tubagirira urukundo kandi tubakorera/dukorana nabo kinyamwuga.

Serivisi mbere y’inyungu
Dushaka gutera imbere mu buryo burambye, dushyira imbere umusaruro ufatika, umutekano n’ireme rya serivisi, aho gushyira imbere inyungu z’igihe gito.

Dore itandukaniro

✅ Isuku ishingiye ku mahame nyayo
Serivisi zacu zifasha ibigo kubahiriza ibisabwa mu gukumira no kurwanya ubwandu bw'indwara zandura (Infection Prevention and Control – IPC), ubuzima n'umutekano mu kazi (OSH), gukumira, gutahura, kurwanya no guhashya ibyago bishobora kwirindwa; by’umwihariko mu bigo bitanga serivisi z'ubuzima aho isuku n’umutekano ari iby’ingenzi cyane.

✅ Abakozi batojwe neza kandi bafite umurava
Dushora mu guteza imbere abakozi bacu, kuko abakozi banyuzwe n’akazi kabo kandi bafite ubushake bwo gukora batanga umusaruro mwiza.

✅ Imicungire inoze kandi ishinzwe y’ibikoresho n’umutungo
Ibikoresho bikoreshwa mu gutanga serivisi biguma bicungwa ku buryo bunoze na Lucor, bigafasha kubirinda kwangirika, kubikoresha neza, kubazwa imikoreshereze yabyo no kubungabunga serivisi mu buryo burambye.

✅ Serivisi zigerwaho n’ibigo ku giciro kiboneye
Uburyo dukoramo bufasha kugabanya imbogamizi zishingiye ku bushobozi bw’ingengo y’imari, mu gihe ireme rya serivisi rikomeza kubungabungwa.

✅ Imikorere iboneye kandi ibonekera mu mucyo
Ibigo bikorana na Lucor bigira serivisi zitangwa mu buryo busobanutse, bwita ku nshingano, kandi bwubahiriza amahame, bigatuma byubahwa nk’ibigo byizewe, bikorera mu mucyo, kandi byitwara neza uko bikwiriye.

✅ Imitekerereze igamije kubaka igihugu
Isuku kuri Lucor ntabwo tuyibona nk’umurimo wo gukuraho umwanda gusa. Tuyibona nk’igikorwa cyo kurinda ubuzima bw’abaturage, kurengera icyubahiro cya muntu no kubungabunga gahunda ihamye, ndetse no kwinjiza burundu ku buryo buramye umuco w’isuku mu muryango nyarwanda.

Impamvu ibigo bihitamo Lucor

Gukorana na Lucor bigaragaza ubwitange mu nshingano, gukorera mu mucyo no kwita ku mibereho myiza y’abaturage. Ibigo bikorana na Lucor bigerwaho n’inyungu zirimo:

Kugira isura nziza kandi yizewe mu maso y’abaturage
Kunoza no gukomeza umuco w'isuku mu mikorere y’ikigo
Kugira abakozi bashinzwe ibikorwa by’ubufasha (supporting staffs) bafite umurava n’ubushake bwo gukora
Kubona imikorere ihamye, itagendera ku myitwarire n'imiterere ya buri mukozi ku giti cye ahubwo ishingiye ku mahame ya Lucor.

Mu baturage, Lucor isobanura gahunda ihamye.
Mu bigo, Lucor isobanura icyizere.
Mu itangwa rya serivisi, Lucor isobanura ubudashyikirwa.

Isezerano duha abafatanyabikorwa bacu

Turinda izina n’icyubahiro by’ikigo cyawe.
Turengera ubuzima rusange.
Tuzana icyubahiro n’agaciro mu itangwa rya serivisi.
Ntiduteshuka ku mahame y’ubuziranenge.

Guhitamo gukorana na Lucor ni ubutumwa bukomeye bugira buti: gukorera mu mucyo, ubunyangamugayo, kubazwa inshingano, n'ireme rihamye ry’ibikorwa bifite agaciro gakomeye kandi bigomba guhora bishyirwa imbere.

Google Sites

Report abuse