Lucor Ltd

Munditia in Omnibus — Umucyo muri Byose

Kubaha ibirenze ibyo mutwitezeho mu byo tubakorera byose, mu bunyagamugayo bwinshi — serivisi ushobora kwizera byimazeyo.

Lucor Ltd yashinzwe ishingiye ku bunararibonye bw'umwimerere bwaturutse muri bimwe mu bigo bitanga serivisi z'ubuzima mu Rwanda. Dutanga kinyamwuga serivisi z’isuku n’isukura, kwita ku busitani, kubuvugurura no guhanga ubushya, gukora kinyamwuga inyigo z'amasoko, amahugurwa ku buzima n'umutekano mu kazi (Occupational Safety and Health), gukumira, kurwanya no guhashya ubwandu bw'indwara zandura (Infection Prevention and Control), no gukumira, gutahura, kurwanya no guhashya ibyago bishobora kwirindwa (risk prevention , identification, and management) tuzirikana amahame yo ku rwego rwo hejuru.

Muri Lucor Ltd, isuku tuyifata nk’ikintu kirenze kuba ahantu hasa neza. Isuku ishingiye ku myitwarire irangwa n'ikinyabupfura, kugira gahunda ihamye, n’ubunyangamugayo. Ni yo mpamvu dutanga serivisi zinoze kandi zizewe, tukaba tutemera ko ubushobozi buke bw’ingengo y’imari bubangamira ireme rya serivisi dutanga.

Amateka yacu

Lucor Ltd yashinzwe muri Kanama 2025 na Romuald Niyogisubizo, impuguke mu by’Ubuzima Bushingiye ku Bidukikije (Environmental Health Practitioner), ishingiye ku bunararibonye bwimbitse ndetse n’ukwemera gukomeye ku mahame y’umwuga byakomotse ku nshingano yakoreye muri bimwe mu bigo byo mu Rwanda bitanga serivisi z'ubuzima (health facilities).

Mu gihe yakoraga muri ibi bigo, uwashinze Lucor yabonye ikibazo cyakundaga kugaragara: ingengo y’imari igenerwa serivisi z'isuku itari ihagije, ihuzwa n’abatanga serivisi bashyiraga imbere inyungu z'amafaranga kurusha amahame y’umwuga. Ibi byatumaga byinshi mu bigo bitanga serivisi z'ubuzima bigorwa bikomeye no kubahiriza ibisabwa mu bijyanye no Gukumira, Kurwanya no Guhashya Ubwandu bw'Indwara Zandura (Infection Prevention and Control – IPC), ubuzima n'umutekano mu kazi (Occupational Safety & Health), ndetse no gutahura, gukumira, kurwanya no guhashya ibyago bishobora kwirindwa (Risk Identification, Prevention, Control and Management).

Kenshi, ireme rya serivisi ryaranzwe no kwangirika bikomeye. Kandi kenshi, abakozi, abarwayi, abakiliya ndetse n'abashyitsi bagahura n’ibyago byashoboraga kwirindwa.

Lucor Ltd yashinzwe kugira ngo ibe igisubizo kuri iki kibazo — sosiyete ishyira gukorera mu mucyo, ubunyamwuga, ubunyangamugayo, ubuzima n’umutekano imbere y’inyungu z’amafaranga.

Muri Lucor, tugendera ku ihame ryacu rigira riti:

"Munditia in Omnibus — Umucyo muri byose"

Aya magambo si intero gusa. Ni ihame riyobora uko dukora buri murimo, uko dufata buri mukiliya, n’uko twita kuri buri hantu dukorera. Buri gikorwa tugikorana ikinyabupfura, gahunda ihamye, n’ubunyangamugayo budacogora.

Dutoza kandi tugategura abakozi bacu mu buryo bwitondewe, tukabaha ubumenyi n’ibikoresho bikenewe kugira ngo buri serivisi dutanga yubahirize ku rwego rwo hejuru amahame yo gukumira, kurwanya no guhashya ubwandu bw'indwara zandura (Infection Prevention and Control), ubuzima n'umutekano mu kazi (Occupational Safety and Health), ndetse no gutahura, gukumira, kurwanya no guhashya ibyago bishobora kwirindwa (Risk Identification, Prevention and Management); n’iyo ingengo y’imari yaba ari nto.

Indangagaciro zacu

Ubunyamwuga: Duhindura serivisi z’isuku n'izindi serivisi dutanga umwuga ukwiye kubahwa no gukorwa kinyamwuga, aho kuba umurimo ukorwa gusa nk’akazi gasanzwe.
Gukorera mu mucyo: Buri gikorwa, imicungire y’umutungo n’uko serivisi zitangwa bigomba kuba bisobanutse, bikurikiranwa kandi bigashobora kubazwa.
Ubunyangamugayo: Ntidushyira ireme rya serivisi mu kaga kubera gushaka inyungu.
Ubudashyikirwa: Aho dukorera hose, duharanira ko hubahirizwa amahame akomeye y’isuku n’imikorere inoze.
Guteza imbere ubuzima bw'abantu: Duhanga amahirwe y’akazi afatika ku rubyiruko kandi tukarufasha guteza imbere ubumenyi ruzashingiraho mu kubaka umwuga urambye.

Lucor Ltd yanditswe ku mugaragaro na leta ya Repubulika y'u Rwanda ku wa Gatanu, taliki ya 5 Nzeli 2025, hashingiwe ku itegeko N°17/2018 ryo ku wa 13/04/2018 rigenga amasosiyete y’ubucuruzi mu Rwanda, kandi kuva icyo gihe ikomeje gushingira ku mahame yavuzwe haruguru.

Twemera ko isuku idakwiye kugarukira ku buso bw’ibintu bugaragara gusa. Ahantu hasukuye, hatekanye kandi hafite gahunda ihamye ni inkingi y’ingenzi y’ubuzima, icyubahiro cya muntu n’icyizere.

Mu guhitamo Lucor, abakiliya n’abafatanyabikorwa ntibabona serivisi gusa. Baba bashora imbaraga zabo mu mufatanyabikorwa urajwe ishinga no guhamya umuco w’ubunyamwuga, kubazwa inshingano no guhanga impinduka nziza zirambye.

Serivisi dutanga

Lucor Ltd itanga serivisi zitandukanye zijyanye n’isuku, imicungire y’ahakorerwa imirimo, amahugurwa atandukanye, n’ubufasha mu bikorwa by’ubuyobozi (administrative support), zigamije gufasha ibigo n’imiryango gukora ahantu hasukuye, hatekanye, hafite gahunda kandi harangwa n’ubunyamwuga.

Serivisi zacu z’ingenzi ni izi:

🧹 Isuku n’isukura

Dutanga kinyamwuga serivisi z'isuku n'isukura ku nyubako zitandukanye, mu bigo bitanga serivisi z'ubuzima, ibigo by'imari (nk'amabanki), amahoteli, amasoko, ibiro, amashuli, ndetse n'ibindi bigo n'abantu ku giti cyabo hagamijwe kubungabunga ahantu hose ku buryo hahora hasukuye neza, ndetse no gufasha kubahiriza amahame yo Gukumira, Kurwanya no Guhashya Ubwandu bw'Indwara Zandura (Infection Prevention and Control – IPC), ubuzima n'umutekano mu kazi (Occupational Safety & Health), ndetse no gutahura, gukumira, kurwanya no guhashya ibyago bishobora kwirindwa (Risk Identification, Prevention, Control and Management).

🌿 Kwita ku busitani, kubuvugurura no guhanga ubushya

Twita ku busitani no ku bidukikije bikikije inyubako, tubungabunga kandi tunoza ubwiza bwabyo binyuze mu gukata ibyatsi ku gihe, gutunganya ibimera no kunoza imiterere y’ahantu h’inyuma. Twita ku busitani busanzweho, tukavugurura ubusitani bushaje cyangwa tukabusimbuza ubundi, ndetse tukanahanga ubusitani bushya aho butari, byose twifashishije ibimera by'ubwiza buhebuje, mu bunyangamugayo n'ubunyamwuga ntagereranywa.

📚 Gukora inyigo z'amasoko

Dukora inyigo zinoze z'amasoko y'isuku n'isukura; kwita ku busitani, kubuvugurura no guhanga ubushya; kugemura ibiribwa n'ibinyobwa byujuje ubuziranenge; gutegura amahugurwa, inama cyangwa ibirori ndetse n'andi masoko afite aho ahuriye n'ubuzima bushingiye ku bidukikije (Environmental Health); tugatanga ubusobanuro buhagije ku nyigo z'amasoko twakoze ku buryo abakurikirana ishyirwa mu bikorwa ry'izo nyigo baba basobanukiwe neza ibyo bakurikirana ibyo ari byo, kandi tukabika ku buryo bukomeye ibanga ry'ibikubiye mu nyigo twakoze.

👨🏾‍🎓Amahugurwa

Dutanga serivisi z'amahugurwa y'igihe gito yerekeye gukumira, kurwanya no guhashya ubwandu bw'indwara zandura (Infection Prevention and Control), Ubuzima n'umutekano mu kazi (Occupational Safety and Health); ndetse no gutahura, gukumira, kurwanya no guhashya ibyago bishobora kwirindwa (Risk identification, prevention and management) ku bakozi bo mu bigo bitandukanye nk'amahoteli, amabanki, site z'inyubako, abacukura amabuye y'agaciro, n'abandi ariko cyane cyane tukagira umwihariko ukomeye ku bigo bitanga serivisi z'ubuzima.

👷 Abakozi b’igihe gito

Dutanga abakozi b’igihe gito batojwe kandi biteguye akazi, bafasha ibigo cyangwa abantu ku giti cyabo mu bikorwa by’isuku, kwita ku busitani ndetse n’indi mirimo ikenerwa hakurikijwe ibisabwa n’ikigo cyangwa umuntu ku giti cye.

📄 Gutegura inyandiko n’ubufasha mu bikorwa by’ubuyobozi

Dufasha mu gutegura, gusuzuma no kunoza inyandiko z’umwuga n’iz’ibigo, raporo, amabwiriza ngenderwaho y’imikorere (Standard Operating Procedures – SOPs), n’izindi nyandiko zijyanye n’imikorere y’ibigo, mu Gifaransa, Icyongereza n’Ikinyarwanda.

Tunafasha ibigo n’abantu ku giti cyabo gukoresha ikoranabuhanga n’ibikoresho by’ikoranabuhanga, imikorere n’imicungire ya gahunda zibika kandi zitunganya amakuru, hamwe n’izindi serivisi z’ubuyobozi n’ubufasha zikenewe mu kazi.

Muri Lucor, buri serivisi dutanga ishingiye ku ndangagaciro zacu z’ingenzi: Gukorera mu mucyo, ikinyabupfura, gahunda ihamye, n’ubunyangamugayo. Kuko kuri twe, isuku nyakuri ntigarukira ku buso bw’ahantu bugaragara gusa; inagaragarira mu buryo dukora n’uburyo dukorera abo dushinzwe.

Google Sites

Report abuse